Campana e Napule

Dicembre,
trase fredda sta vernata !
ra mezzanotte e pe
tutt’a nuttata
'a neva è scesa fitta
e senza fine
sciuccanno comm’a
tanti giusummine.
Sott’a stu cielo,
semmenato e stelle,
sotto a luce e sta
luna fredda e stanca,
sott’a sta neva,
a cierro e a palumelle,
'sta terra s’è ammantata
'e seta janca.
Guardanno da fenesta,
schiaranno juorno,
è tutto nu ricamo
attuorno attuorno:
pizz’e merletto e case,
e vie, a campagna,
'na francia e sciallo
e cimme da mutagna.
A sta mutagna,
ca vasann’o cielo,
arriva l’eco
da bufera e o viento.
Attuorno nu silenzio
'nu squallore,
'nu friddo traseticcio
ca se more,
nun c’è na fronna,
nun c’è n’auciello,
ma spont’o sole
ca fa tutto bello !
E sona a campana
stammatina,
'a campana da chiesa
do cunvento,
e le risponne nata
llà vicino,
po’ nata,
nati diece,
nati ciente,
e cu na catena e chiese
e cchiù luntane
s’intreccia a vocia
santa e sti campane,
passa deserti,
monti, sciumme
e mare
e và po’ munno, a
do ce sta n’altare,
e và po munno a
do ce sta na croce
ca parl’o core
e carità fraterna,
ca saglie ncielo
milon’e voce
cu a stessa fede
ca fa na chiesa eterna !
Campana,
voc’e Dio,
voc’e preghiera,
'stu suono parla o core
e una manera.
'O muto prega
senza dì parola,
prega 'o cecato
can un ver’osole,
prega chi soffre.
prega 'o peccatore,
prega ll’umanità
ch’è travagliata,
prega chi serv’a Dio
nostro signore,
prega…
prega chi ver’o
munno nzaguinato.
Se prega rint’a
chiesa do cunvento,
'miez’e valangh’e neva,
'o firddo je viento,
là ncimm’o monte
addò grandios’e bella
se trov’a carità
ca c’affratella.
Sona 'a campana,
sona stammatina,
raccogle sti preghiere
je porta ‘n cilo
e ne fa 'n’offerta
pe Gesù Bambino
luce do' munno,
nato miez’o gelo.

' O funerale

Dicembre,
aria fredda e fina,
p’ò cielo camminano
nuvole a centenare,
mentre pe’ l’aria
se perde
‘o suon’ e ‘na campana.
Songo rintocchi
lenti e malinconici,
rintocchi tristi,
parlano ‘e morte…
‘Nanz’a chiesa, ‘na folla,
tanta gente…
dinto, ‘nanz’ ‘a l’altare,
miez’a quatte cannele,
‘nu tavuto…
‘ncoppo ‘nu mazz’e sciure,
tre rose rosse
e nu biglietto.
Che silenzio,
che rispetto…
chisà pecchè,
pecchè è muorto…
‘Na mamma chiagne ‘o figlie
suoje perduto,
‘o pate, zitto, se dispera,
arreto, e frat’ ‘je sore
nun se fanno capace
comm’è succieso
e pecchè l’ha fatto.
Mentre stu chianto
fa eco dint’a chiesa muta,
a spalle portano fòre
chillu tavuto.
‘A gente se scosta
se scanza,
facennese ‘a coroce
pe ‘lurdemo saluto,
e s’addimanne, curiosa :
ma chi è ‘stu muorto ?
Era ‘nzurato ?
Giovane ?
Ma steva malato ?
L’ha fatto p’ammore...
o pe denaro ?
Ma ‘o muorto s’alluntana
purtannese cu jsso
ogni segreto.

Dint' ' nuttata

Quann’è ll’ora cuièta d’à notte,
ca nisciuno p’à strada se sente,
io me sceto e me tornano ‘a mente
e juorne belle passate cu’ ttè.
Era de maggio ! Nu profumo d’arancie
saglieva pe’ chest’aria liggere liggera,
e tu pure, dint’ ò lietto, pensavi…
chisò jsso si me penza e che fa.
Chitarra ca suon’à luntano,
io te sento e, penzanno , m’affaccio,
sta musica, a cchiù tennera, ‘ saccio,
ati tiempe me vò arricurdà.
Chitarra ca’ parl’à stu core,
a mme par’e sentì, chiano chiano,
tutt’intera ’ na’ storia ‘a ‘sta mano,
ca’sunonno a chest’ora me stà.
Ma stò sulo e pecchè nun se sape
e chest’anema, sola, s’àcquieta
e, sentennete, continua a sperà !

Penzanno atte

‘Sta faccella
e chist’uocchie
‘ncantati
tu nun saje
che male me fanno,
songo mise che stongo
patenno,
songo mise ca soffro
pe tte.
Ah che scemo,
che scemo so' stato
me crerevo ca tu me capive,
me crerevo ca tu me vulive...
e, invece, nun pienzo
cchiù a me.
‘Sto mpazzenno
e a me sulo addimanno:
c’aggiu fatto
p’avè sti turmienti ?
notte e juorne
te penzo e tu…
tu niente,
tu nun pienzo
c’a io moro pe tte ?
Ma pecchè cu chest’anema
sperza
tu cchiù core’ e
cuscienza nun tiene ?
Ma pecchè
sempo 'nzuonno
me viene ?
Ma pecchè
nun te pozzo
scurdà ?

C'aggio fatto e che vulevo fa

Spisso, troppi vòte,
sentenneme deluso,
afflitto, stanco
e scoraggiato,
haggio cercato e capì
a rò venevo st’insoddisfazione
e m’aggio addimannato :
ma c’aggio fatto
e che ne vulevo fà
e ‘sta vita ca è passata ?

Songo io
ca nun so maje
cuntento
o ‘a gente,
si pure ‘miez’e guaje.
è allera overamente ?
Creriteme è accussì :
cchiù gruosse
songo e guaje
cchiù e cose
vanno storte
cchiù l’ommo
è suddisfatto.
Oggi esiste ‘a legge
d’o cchiù forte,
basta ca’ ‘stò bbuono io
e l’àti chi se ne fotte.
Ma comm’è diventato
chisto munno,
si a gente, strafottente,
penza sulo a sé ?
Comme se po’ ‘ghi annanzo
cu ‘tanta indifferenza,
comme se po’
campà
senza ‘nu poco e bbene ?
“Oggi l’egoismo
ed il proprio tornaconto
è quello che prevale realmente.
Per questo ci ammazziamo,
rubiamo,
facciamo rapine,
stupri
e rapimenti
e ci autodistruggiamo
volutamente.”
S’è perduto ogni valore
e l’ommo nun ha capito
ca ‘a vita nun è vita
senza ‘nu poco r’ammore,
senza vulersi bbene,
ca ‘a vita nun è niente
senza rispetto,
senza cumprensone.
Facimmo e corze,
c’affatricammo,
parimmo ‘e pazzi
d’a matina ‘a sera…
e fermamece pe ‘nu mumento,
fernimmo e recità
‘ncopp’a ‘sta scena…
guardammo ‘nfaccia a realtà.
“ Se ognuno desse la mano
al suo vicino, saremmo
tutti una famiglia,
debelleremmo il male,
l’incordigia, l’egoismo,
provando finalmente un po’
di bene “
Ecco, perché me sento
insoddisfatto,
pecchè tenenno
annanzo all’uocchje
‘sti problemi
nun sò capace e reagì.
Eppure, vulesso ca’
ferensse stà cummedia,
cà l’ommo s’arrennesse,
peccchè o mal’è na catena
can un se spezza cchiù !

Viento

Viento ca passe
e vajo currenno
sempe
cumm’a nu piccerillo
chieno e foja…
Tu…tu ca già cunusce
‘ a casarella soja,
oj ventariello,
passace pe’llà…
Passece, và,
e si stà nghus’arinto,
fermate nnanz’e llastre
‘da fenesta…
smuovele tutt’e sciure
‘a dint’a testa,
fa ca s’affaccia
e doppo parlale’e me…
Ma si pe caso, tu,
rerenno a truova
‘nzimo cu nato
e parlano d’ammore…
Oj ventariello,
famme nu favore:
‘mpizzete mmiezo
e nun e fa vasà.

Vierno

P’o cielo arie e tempesta,
sole nascosto…
fra terra e mare
nuvule a cetenare.
Cu e primme fridde ven’a
pucundria,
vierne trase…
che malinconia.
Si na speranza tiene
‘rint’o core,
lenta e triste
se ne more !
Addio sole d’estate
‘e serenate,
cantate p’e ciardine
e meiez’e vie.

Addio nuttete belle,
cieli puntiat’e stelle,
si site nammurate
e và lassate
che malinconia !
Vola n’auciello,
‘spirzo miezo
e snez’ammmore
comme sciperzo
và stu core.
Scorre pe’ titte l’acuqa
e miez’e vie,
vierno trase
che nustalgia !
Addio carezze, vase,
addio surrise
miez’addore d’e sciure
je panni ‘spase…
Addio sole d’estate,
addio tiempe passate,
si siete nammurate
e va’ lassate
che pucundria !
P’ò cielo aria e tempeste
oj bella estate, addio…
more ll’ammore mio
e vierno trase.

Serata 'e luna

A luna ascette
ampresso l’ata sera,
‘e io p’ ‘a fenesta aperta,
‘ncantato, m’ ‘a guardaje.
Guardeje
tutt’ ‘o cammino
ca facette.
Primmo cuccaje
pe’ ‘nterra,
ncopp’a l’evera ‘nfosa,
l’ombra e ‘nalbero
‘e fiche,
e ‘st’ombra se muveva,
quacche vota,
sott’o sciuscio d’ ‘o viento,
po’ venette
a du me,
‘ncoppo a fenesta,
e se mettette,
tutta storta,
‘ncoppo a petturata.
A poco a poco, po’
se ne sagliette
dint’a ‘na testa
c’addeventaje d’argiento
pecchè tanno tanno

arracquata.
Quanto tiempo passaje !
quanno me ne trasette,
l’ombra mia
se calaje ‘ncopp ‘o cuscino,
addò steva
ninno addùrmuto,
e so' vasaje primm’e me…
allora io m’accustaje,
cammenaje chanu chianu
pe nun ‘ o fa scetà,
o vulevo vedè.
Ninno rereva
d’int’o suonno,
ogni tanto,
appena, appena…
Sentetto sott’e dete
chilli capilli e seta…
duorme figlio mio bello,
duorme, fa nonna nonna
sott’a ‘sta luna chiena,
sott’o manto celeste
d’ ‘a Madonna…
Tu si tutto pè mme,
gioia e furtuna,
duorme nun te scetà,
fa nonna nonna
dint’a ‘sta cunulella
tutta ‘nzuppata e luna !

Settembre

Son’ ‘a campana
‘e ‘sta chiesa
vicina,
sent’o rilogio
ca’ vena ‘a luntano,
comm’è bella
chest’aria
settembrina
ca’ dint’o core scenne
chiano chiano.
Scenn’o sole
è ‘a sera s’avvicina,
dint’o silenzio
sulo allucche
d’ ‘e cane
e duje ‘nammurate,
p’ ‘e strade cittadine,
camminano
tenennese p’ ‘a mano.
‘Nu penziero
me martella ‘o core
e djnt’ ‘a l’anema
sento ‘na voce
ca ‘chiagne
e nun trova pace.
Ave ragione,
pecchè stò sulo
e senz’ammore,
e mentre penzo
a tanti cose doce,
mentre ricordo
tanti cose belle
p’ ‘o cielo
sento
‘e cantà
‘na rondinella !

Pecchè

Pecchè quanno te fisso
dint’a chist’uocchie care
me stupetesco e pare
ca’ nun capisco cchiù ?
Pecchè, tra tanti facce,
sulo chesta faccella,
cchiù lucent’ ‘e ‘na stella,
fa luce sulo a mmè ?
Tutto me scordo allora,
quanno te ‘stò vicino
e comm’a nu cerino
me sento ‘e cunzumà !
Pecchè ‘stu suonno doce,
‘sta freva, ‘stu destino
passa e nun par’ ‘overo ?
dimmello tu,

dimmello tu...
percchè ?

'O bbene ca te voglio

E’ tale e tant’o bbene
ca te voglio
ca’ nun ce stanno
parole p’ ‘o spiegà,
o sì ‘nce ‘stanno
songo io ca me
‘ mbroglio
o è stesso 'o bbene
ca nun m’e fa truvà.
‘O desiderio
è forte assaje
e te tenè cu ‘mmè
sempo abbracciata,
ca si nu juorne sano
te ne vaje,
io dico ca ‘nun me basta
‘na jurnata.
Si te penzo surtanto
sent’ancora
‘na priezza
ca’ chiagnere me fa,
pecchè nun se chiagne
sulo pe’ dulure,
se chiagne
pure p’ ‘a felicità,
e io flice songo
cchiù e tutti quante
quanno me staje vicino.
Oj munno…oj munno,
overe si ‘na rota,
pecchè, che saccio,
doppo tant’ammore
pare ca’ voglio bene
a primm’a vota.

'E lacreme

Chiagnere,
no, nun ve penzate gente
ca chiagnere
s’addice a e piccerilli,
o cosa piccerella
songo e llacreme.
Gocce e dulure
quann’o core
e sente
e de priezza e
ogni core nfesta.
Sacrusante so'
chell’e na mamma
po’ figlio suoio ca
torna o se ne parte,
doce r’a scposa
languida e passione
sentnne e suspirà
voce d’ammore.
E songo amare,
cumm’o fele amare
e lacreme cucent’e
gelusia.
Songo parle ardente
d’ogni core
dicene tutto
senza fa rummore.
Brillante so',
lucente cumm’e stelle
e lacreme perdute
e so' e cchiù belle.

A mano

Cinch’osse so’,
cinch’osse sulamènte’
ca’ parlàno
senza tenè à parola
e danno d’ ‘o
còre e sentimenti,
a mano a mano,
cu ‘na mòssa sola.
Mano ‘e criatùra ca’
‘nzriòsa chiamma
‘na mano c’ a ll’astregna
doce doce,
mano scarnita ‘e chella
vecchia mamma
c’asciùtta ‘o chinto
e s’abbraccia
cchiù e ‘na coròce.
Mano chiena ‘e brillante
e chi è signòre
o ‘nesistenza ha fatto
‘a parassita.
Mano callosa
d’ ‘o faticatore
ca s’ha stentato,
notte e juòrno,
‘a vita.
Manella fredda,
traspartente e jànca,
strignuta a’ nata
mano ‘ncoppo ‘o còre,
mano gentile
delicata e stanca,
cu’ che priezza
me saje parlà
d’ammore.
Mano c’arrobba
Senz’avè cuscienza
chello ca nunn’è ‘o suojo
e nun l’attocca,
mano ca ‘pe fa bene
nun ce penza
e pure ‘o pane
se luvass’a vocca.
Mano stecchita e
tremmula e nu
viecchio,
stennut’ ‘a sera
all’angul’e ‘sta strada,
tu pare morta
ma si o specchio
addò s’mmira
‘nanema malata.
Mano ca tiene strignute
‘nu pugnale e
ca’ nun t’arreinno
‘mò c’o sango e visto !
Mano e scienziato
c’addulcisci’ ‘o male,
mano ca’ tene strinto
a Gesù Cristo
e prieghe, prieghe e
bennerice,
mentre ca ‘o ncienzo, lieggio
cchiù e nu velo,
‘nziemo c’o chiànto
‘e tutte l’infelice
e ‘o suono d’e campàne,
saglie ‘ncielo.
Mano ca’ nun te vèco
ma te sento
e ca te stienno
pronta ‘a tutt’e tiempe,
mane ‘ e Dio
chiammata
ogni minuto,
ogni mumento
sia benedetta, benedetta
sempe.
Mano,
tu ca’ me purtave
a mano a mano
pe ‘me gudè ‘a bellezza
e ‘stu scenario
stamme vicino,
nun me stà luntano
‘o juòrne ca ‘s’acala
‘stu sipario.
Mano,
m’ è fatto troppo
je ‘o core t’arrngrazia
ma nun me l’annejà
lurdima grazia,
fatte vedè
quanno me nzierro
l’uòcchie.

'O soliloquio

E ghiammo sule
annanzo e arrete,
dint’ ‘all’oscurità,
sempe cchiù vicine,
cumm’a duje ‘nammurate
ca cchiù s’accostano
cercanno ‘a vocca
pe’ vasà.
Nu passo doppo ‘a nato
tu sempe m’accumpagna,
cumpagna mia,
cumpagna ‘e ‘st’ora
‘ solitudine
‘e 'sta malinconia.
Eppure io te parlo,
te dico tutt’e ccose,
e tu, tu senz’a ‘na parola
faje finta e me capì.
Staje sempo zitta
e cchiù me faje parlà,
e io cchiù parlo
e cchiù vulesso dì,
mentre ‘sta voce
se sperde cu ‘leco
‘e chisti passi
dint’a l’oscurità.
E vaco ancor’ ‘annanzo e arrete
purtannete ‘cu me
accussì, ‘ncoppo ‘a ‘sta spalla,
sentennete vicina,
pure si tu nun parli.

L'apparenza

Nun me tentà
ca nun ricave niente !
Nun me parlà
ca io nun te sento manco !
E vì chisti capille ? tiene mente
stà spiero, spierto
nu capille janco…
Saje che vò dì ?
vò dì ca ingiustamente me
viene ‘nzuonno
o me cammine a fianco.
Io pare giuvinotto
‘nanzo a gente,
ma, si foss’overo,
songo , invece, viecchio
e stanco !
Ah si ‘n’avota,
‘n’attimo surtanto
tu t’affacciasse
dint’ ‘o core mio
te ne scapasse a me
cu ll’uocchi ‘ e chianto.

Penziere

Nu penziero me passa
E n’ato me vene,
se mbroglieno fra loro,
ma roppo poco
ogn’uno trova
a via soja
e se sbrogliano.
Se sciogliene
cumme si fosse
na matassa,
ma ce ne stà uno
can un se scioglie maje
e ccà rsta,
è semp’isso
è semp’o stesso.
Quann’ato me rimane ?
Sarrà oggi…
Sarrà dimane…
Ma pure si è dimane
che vò ri,
ariva…adda venì.

O puvuriello

Tutto stracciato,
‘miezo chiato,
nu giovane,
cu ‘a faccia janca
comm’ ‘a cera,
‘ncoppo ‘e scale da’
chiesia stà jettato,
cercanno ‘a carità
matina e sera.
Cchiù d’uno passa,
‘o guarda…fa na cera
e ‘ncuorp’ ‘a jsso
‘o chiamma sfaticato,
mentre chillo je risponne
cu ‘maniera…”nun pozzo
faticà,
stongo malato…”
Ma comme songo ‘nfame
certa gente,
nun tenene cuscienza e
manco core,
po’, si nu juorne chillo,
chiamm’ ‘a mamma,
sturzelle l’uocchie
‘ncielo,
care e more,
dicene
“…puvuriello, è
muort’ ‘e famma…”!

'O tramonto

Chisà pecchè te veco ‘int’o tramonto
ch’avvamp tutt’e llastre d’è feneste !
Io nun te veco maje quanno tu spunte
e te pierde p’ò cielo cchiù celeste.
Ch’è visto nfino a mo, sole lucente ?
Chi’ò ssà quanto sì bello quanno spunte
e vase ‘nfonte a chi te pare e piace,
comme dint’e canzone e dint’è cunte…
A mme, nisciuno m’ha vasato ‘nfronte !
né tu né nato int’a stu paese,
ch’aggio vuluto e voglio ancora bene,
si pure è chistu bene faccio è spese…
Nun veco quanno scupnte sole d’oro,
sulo ò tramont veco à sta fensta
o veco sulamente quano moro
comm’a stu core mio mmiez’à tempesta.

A vita

Vulesse proprio scrivere duje virse
senza ò sapore d’à malinconia !
Parlà d’ò sole, d’è stelle, d’ò mare
e è chello ca se vede mmiez’a via.
Che bella cosa fosse si stu core
guardasse ò bello e ò buono attuorno a jsso,
invece va guardanno sulamente
ò brutto ca se vere assaje cchiù spisso.
Sulamente pè nu poco è distrazione
è vvote ll’adimanne: Core mio,
pecchè nun pienze a chella ca vuò bene,
a ll’anne già passate ‘ngazia e Dio ?
Chi sa si nun nascesse nu rumanzo
fatto e suspire, è lacrme e d’ammore ?
A gioia d’è figlie, è pàlpete d’à guerra,
d’è mmalatie, d’à morte e d’ò dulore ?
Parlà d’à vita nosta, tu te pienze,
ca fosse cosa e niente overamente ?
Io dico no, pecchè na vita sana
nun è maie bella o brutta sulamente.
Pè cunto mio à vita è tale e quale
a na juranta è marzo: ò cielo niro,
se chiara e ghiesce ò sole: po bello e buono
na tempesta te fa ammancà ò rispiro.

A do' nascette

Turnanno dint’a chillo
quartiero, addò nascètto
e me cunuscev’a gente
me sò sentuto
comm’a nu’ straniero
ca’ guard’attuorno
e un cunosce niente.
Ma ce stà ancora,
bella e indifferente,
‘sta funtanella
ca’ me tene mènte,
me guara buòno, buòno
d’a capa o père…
Vuje site
-ha ditto –
‘o guaglione ‘mprtinente
e sittant’anni fa ?
Gesù...
me pàre aière !

'O core

Inutilmente scava ‘o core mio
dint’ò turreno sicco d’ò passato !
Se sò abbrusciate è sciure d’è vint’anne
e s’è sperduto ò suonno à me sunnato…
Tu t’affatiche, oj core, e sude sango !
Nun pienze che ll’anne e ò tiempo vola,
ca tutt’è duje 'nce facimmo viecchie,
e niente cchiù ce sta ca 'nce cunzola ?
Si scavanno truvasse na frunnella
è nu sciore d’à primma giuventù
secca, spezzata, senza cchiù culore,
dimme, oj core, che ne facisse cchiù ?
Sultanto indifferenza sta pè nuje,
ca pure chi putesse fa quaccosa
scarpèsa stu turreno e pè dispietto,
'nce pianta quacche spina e no na rosa…
Cerca è campà sta vita ca se campa,
nun ‘mporta ca te costa cchiù dulore,
si nun te piace scavate nu fuosso,
tanto, che campe a ffà, meglio si muore !

Nun e stat'a sentere 'e canzone

No, nun e state
a sentre‘’e cnazone !
Chistu mare è celeste,
‘o cielo è d’oro,
ma stu paeso nunn’ è
sempo allèro,
nun spònta sempo
a luna a marechiaro
e nun se canta
e se fa sempe
l’ammre,
cheste so’ fantasie
p’ ‘e furastiere.
Si vulite bbene
a stu paese,
fermateve un poco
rint’e vico,
guardate rint’ e vasce
e for’e chiese,
venti’ ‘ asseime a mmè,
p’’e strade antiche
invece e cammenà
vicin’o mare,
parlate cu chi
soffre e chi fatica.
Quanta malinconia
pe case scure,
addò nun tràse maje
chest’aria e primavera !
Guardate quanta
sante 'nfacc’e mmura !
Sta gente, puvurèlla,
crere a Dio,
patisce rassìgnàta
e par’ ‘allèra,
e chi è cecàto canta:
O sole mio !
N’hnno chiagnùte
lacrime ‘sti criste,
e quante ne so’ morte
int’o spitàle !
‘Stu paese d’’o sole
cumm’è triste !
Jo veco e cammenà
‘nobra ‘ a ogni purtòne
e penz’ ‘ a gènte che
le manc’ ‘o pane…
quanta bucie ca’
ricen’ ‘e canzone.

Maestro e quinta elementare

Maestro e quinta classe
elementare,
cu' 'e lente 'ncopp’ 'o naso
e' o scazzottino 'ncapo,
ca me guardave, a reto
'o tavulino,
fra tanti cose belle
e facce care,
mi si venuto ammente
'stammatina.
Quant’anne so,sissantacinche,
a quant’pare,
ca me chiammave
'o primmo malandrino.
L’avissa verè mò,
maestro 'e scola,
ch’è addeventato
o malandino 'e tanno:
si o no sape accucchià
meza parola,
accusa tutt’ e juorno
'nu malanno,
e cumm’ 'auciello
jnt’ 'a cajola,
cerca e scurdare
'e infamitàro munno.

Fora o balcone

A capemonte,
quanno se fa scuro,
tu siente ancora
addore de’ciardine
comm’a navota.
Spisso t’ho port’’o viento,
quanno fora ‘o balcone,
te passa a fantasia
guardanno n’ cielo
‘nu tramont’e sole.
A ciente, ‘ncopp’a
larbere vicino
se ranno ‘a bona notte,
cuiciulanno, mierle
e passarielle,
e abbascio murmulea
‘na funtanella,
mentre ‘a luna accumpare
e te smerzeja.
‘O quadro è antico,
ma te pare nuovo,
pecchè è sempe bello
quann’’o sole scenne
e ‘o cielo, ca era russo,
se fa viola.
Tu pienze a vita e mò,
ca passa e fuje
cumm’’a ’ na freva
can un te rà
arricietto,
e siente ca rint’o core
te secuta un tiempo
assaje luntano,
‘nu sentimeto e
quanno ire guaglione,
‘n’ammore, na canzona,
‘nu turmiento o
‘na lacrema perduta.
Te pare e sentì
‘na voce malinconica
e gentile ca se spanne
all’intrasatto
attuorno a tte,
le fanno o’ core
passer’’e frungille
le fa l’orchestra,
chiano, a funtanella.
E’ a canzona cchiù bella,
ca tutt’hanno cantato
e ca maje nisciuno
l’ha scritta overamente.
Nasce int’ ‘o core
e doppo un mumento,
si a canta passa…
nun te resta niente.
E passa a giuventù,
comm’ ‘a na rosa
ca sfronna e te l’astipe
per ricordo int’o
libbro ra messa…
apassiulata,
senza cchiù profumo
e senza cchiù culore.
Chest’è a vita, guagliò,
‘nu sciuscio e viento
ca t’accarezza, passa
e se ne’ và.
Perciò che ne vuò fa,
si a Capemonte, ‘a sera
tu sient’e risciatà
core e ciardine
quanno,
‘mbriaco e nu tramont’e
sole te passa afrenesia

fora a atu' balcone ?

Tristezza mia

Tristezza,
tristezza mia
ca sola m’accumpagne
pe sta via
scura è sulagna,
fa ca ‘e penziere mje
s’incontrano cu ‘e suoje,
fa ca torna,
torna a du chi
strazioto ten’o core
rint’o pietto.
Ricordo e giuramente,
e llacreme cucente,
tanti parole roce
ca me sapeva dicere,
e mò, mò
tutt’è passato
e cumumm’a ‘na fronna
c’o viento se ne vulata.
Mò sulo chisto
songo e ricorde belli
carezze fatte
cu tant’ ammor’ ardente,
e sulo e chesto
pozzo essere cuntente.
Ricordo chelli sere…
quanti parole doce…
quanti carezze…
tantu tiempo è passato
e mò c’ ‘o tiempo
e o viento

nzime’e fronne
se ne so ghiute.

'Nu raggio e sole

Spuntaje ‘o sole
e ‘ncopp’ ‘a scrivania
venette a se pusà
‘nu raggio d’oro
addò stavo screvenno
“…ammore mio,
vita e ‘sta vita,
tu si nu tesoro…!”
E me ‘ndurava e vierso
‘o raggio ‘e sole,
e ‘a penna seguitava
“…oj primmavera,
‘o tu ca sì ‘a cchiù
bella d’ ‘e figliole,
rispunneme, si sincera,
si sincera…? “
‘O sole se scuraje
a ‘sti parole,
‘a gnostra nera
addeventaje cchù nera
ancora

e ‘a penna,
tutt’nzieme,
se scugnaje
pecchè l’addimanteje
si sincera ?

Sulitudine

‘O sole a poco a poco
se ne scenne
e ‘o ciel’azzurro
torn’a se scurì
mentre nu viento
scioscia lentamente
purtanne un profumo
e giuventù.
Natu juorno ‘sta pe fernì
purtanno
int’a ‘st’anema
sulagna
‘nu desiderio pazzo
‘e te vasà.
Chest’è a speranza
ca’ me fà suffrì
m’ ‘astregne o cere
e nun me fa campà
pecchè ‘a luntano
nun se po’ avverà.
‘A sera è scesa
e, mentr’ attuorno
è pace e silenzio
‘stu core resta
cchiù triste,
sempe cchiù triste
e sulo sulo
‘a te penzà.
Ammore,
ammore mio luntano
n’ato juorno
è già pasato
n’ata speranza
se ne ghiuta
senza te verè,
senza te vasà.

'O timpo ca' passa

E tu pure,
penzanno, te miette
cumm’a mme
‘nanz’o specchio
a guardà,
cumm’ ‘a mme,
suspiranno rifliette,
ca ‘o cchiù bello
se ‘sta pe cagnà !
Po te tuorno a mmirà,
nun ce cride
e vulisso a tte stessa
ngannà,
ma giranno e accungianno
tu vide
ca’ l’argineto
vò a fforza scpuntà !
E t’affligge
c’ ‘a vita tramonta
ma ‘chist’uocche me songo
chiù care
e tu cchiù bella,
cchiu bella me pare
malinconica, stasera, accussì.
Io te guardo
e passano ll’ore
e passanno me resto
a’ ‘ penzà…
ah, ‘nu filo e
‘sta vita ca more
si putesseme nziemo
afferrà !

Arret' 'o balcone

Pecchè sto ccà 'nchiuvato
a ‘stu’balcone
io nun o saccio.
Tira o viento,chiove
pecchè ‘stu cuorpo
a' lloco nun se mova ?
Si pe' nu poco me ne traso
a smania è tanta
ca’ ‘ o male tiempo ca’
fa for’ 'a strada
m’o sento rinto
e tremmo tuttu quanto,
comm’ 'o balcone
quanno stà ‘nzerrato
e ‘o viento
‘o fa tremmà.
Si m’affaccio ancora,
me piglio 'nfaccia
tutto ll’acqua e o viento
appena caccio
sulo 'a capa fora.
Percchè stongo 'nchiuvato
a 'stu turmiento
io nun 'o saccio.
Aspetto e tu
nun viene maje…
me sento e murì…
quase me pare
ca st’acqua me scenno
fino e din’ 'o core…
e me sento e murì…
ma tu,
tu nun viene maje
e io resto sulo

arret’a 'stu balcone!

Nun mo' di' maje

Me jetto a capa sotto
jnt’a fatica
pe' nun penzà
ca ‘sò rimasto sulo.
Me ‘mbriaco e lettere,
nummere e parole
pe' me sentì chiù allero
e ‘ncumpagnia,
ma ‘o tiempo pare
ca’ nun passe maje !
guard’o rilorgio…
è ancora ‘miez’juorno!
cull’uocchie apierte
‘e recchie sempe pronte,
aspetto ancora
ca ‘nu dimane tuorne.
Po’ guard’ o calannarie,
è già passato ’nanno,
e pare ch’e me te staje

scurdanno
definitivamente.
Ma quanno tuorne ?
Quanno fernesce
‘stu turmiento ?
Io prego ‘e Sante
‘e stono nott’e ghiuorno,
‘e lev’a capa,
‘ e chiammo ogni mumento.
Tengo paura e nu’
presentimento
pe’ ditte antiche
ca’ diceva a gente:
luntano a l’uocchie,
luntano a chistu core !
E comme faccio
si tu nun tuorno ammore ?
Mò che l’accocchia cchiù
‘a chistu core
ca’ s’è stancato
e campà sulo ?

Dint' 'e penziere tuoje

Chisà che facarrje
p' è sapè
tutt’e penziere tuoje,
pe’ scuprì
si chest’ammore
è ammore
o surtante na’ bucia.
Chisà si pure tu me pienze
comm’io te sto’ penzanno.
Chisà si ‘o core tuoje me
tene ‘ncumpagnia
o, invece, cu chi staje,
e che staje facenno.
Tu nun’o saje
che pavarria
pe’ te tenè vicina,
si chesto s’avverasse,
‘stu core
pe cuscino
te mettesse
e mille te cuntasse
suonni d’ammore.
Io nun te lasso ‘e pere
nemmanco ‘n’ora,
te penzo sempe,
nott’ ‘e juorne,
a tutte l’ore,
ma tu…tu
me pienze
sulo si te stò vicino
e nun t’accuorge
ca’ tutto ‘stu duloro
ca’ porto ‘nghiuso
dint’o core
è malatia d’ammore.

' O ritorno

Si me ricisse chiaro
e cu' franchezza
ca’ pe’ te ‘stu ritono
nun è amaro,
ha, si putesso avè
tutt’a certezza
ca me vuò bbene ancora
e te' 'so caro,
io me scurdasse
'o mal’e ‘sta ferita,
‘stu sacrificio cchiù
nun fosse niente,
pecchè tu sola
me darriss’a vita
c’ ‘a luce bella
'e 'stuocchie tuoje
lucenti !

Mo' ca' me staje luntana

Mò ca' me staje luntana,
vita mia,
te penzo ogni minuto,
ogni mumento…
'e me piglia ‘na smainia,
'na malinconia
ca’ so’ tuture ‘o core
ca’ me sento.
Si nzerro ll’uocchie,
pare ca’ te veco,
e nun me sbaglio,
nò sì proprio tu…
Te chiammo, sì, ma
me risponno l’eco,
te’ guardo meglio…
nun te’ veco cchiù !

Esam'e cuscienza

“…sei tutta la mia vita,
il mio più grande bene,
mi dai una gioia infinita,
con te sento un’ amore,
immenso quando ti stringo
al cuore.
L’eco d teli parole,
ho sempre nella mente,
e spesso mi domando
se furono per me…”

Che me discist’à ffà
te voglio bbene
si ‘rint’ò core
‘n’at’ammore tiene ?
Che t’ astignist’à ffà
dint’à ‘sti bbraccia
facenneme sunnà
sunno d’ammore ?
Pecchè, oggi, te sento forte
‘djnt’è vene
si po’ ‘st’ammore no'
nun era overo ?
Pecchè
chist’uocchie,
‘sta vocca,
chesta faccia
'a me nun pozzo
alluntanà ?
Che femmena si tu'
si t’’e scurdato
‘o fuoco
'e chisti vase
appassionate ?
Che core,
che cuscienza
tiene ‘mbietto
quanno,
mettenneme d’a parte.
te vas’a vocca
‘e n’ato nammurato ?
Che male
t’aggio fatto
si ‘a cagn’’e
tant’ammore
me faje suffrì
‘sti pene amare ?
Nun sinte
‘mpietto ‘a tte
‘na ribbelliona
quanno te stigne
‘rint’e braccia
e ‘nato, tradenno
chello che chiammave
passione ?
Mò comme
me vien’a dì
ca’ me vuò bene
e che me rappresenta
chesta vita
si po’ ‘ nzieme cu’ ‘ nato,
sfuoco l’ardore
e chist’ammore ?
Nun siente
'ca' ’sti core
sogo nate
pè stà ‘nzieme
l’uno cu’’lato,
pe’tutt’a vita,
pe’ l’eternità ?
Pecchè tanti bucie,
tanti spergiure,
dimmello si fra nuje
tutt’è fernuto,
nun mettereme ‘cchiù
spine dint’o core,
‘ossaje ca’ senza e te…
io me ne moro.

'O maje cuntento

Me staje vicino
e te turmento.
me staje luntana
e te vulesso fa stà ccà.
Nun trovo mai pace
dint’a ‘sta mente,
crero ca tu me ‘nganno
o ca me vuò ‘ngannà !
Si tu si’ allera,
io chiagno
e si tu chiagne,
io songo allero.
Te suspetto,
ma te vurria vasà.
So comm ‘o raggo e sole
dint’ ‘o cielo niro,
cu’ tte e senza te
nun pozzo cchiù campà.

Perduoname

Perduoname
si t’aggio ditto
chelli cose,
sò stato ‘n ‘egoista
buriuso
e chino ‘e pretese,
perduoname,
nun m’ero accorto
ca’ l’ammore
nun ha da pretendere
ma ha da sulo dà.

A colpa nun è
sultant’ a mia,
si stata pure
tu a me fà
addeventà geluso
e a nun farme
arraggiunà.
Forse tu
t’e scurdate
'o nun 'ce pienze
ca' primme
me vasavi,
dicenne vita mia
io voglio
sulo a tte,
e doppo me tradivi
facenneme suffrì.
Oggi,
nun voglio
cchiù sapè
chi e tutt’e duje
è stato,
te voglio sulo dì,
si pure si felice,
te voglio
bbene assaje,
ricuordalo
st’ammore
e nun te scurdà

e me.

Nuje

Nuje simmo chilli duje
ca’ ‘nziemo vanno,
stanche e scuntenti,
pe’ ‘na stessa via,
e nun parlamme cchiù,
‘sti core ‘o sanno
ca ogni parola nosta
è ‘na buscìa.
Madonna mia,
ma chi me po’ capì ?
nisciuno mai,
niscuno.
e a vita mia
è ‘nopera e tiatro…

adda fernì !

' E figlie

Chi ‘e tene
dice ca’ sòngo sulamente guàje
e nun v’e cunzìglia e n’avè,
chi no
‘e cerca overamènte, ‘e vò truvànne,
‘a verità è
ca’ ‘e figlje sòngo figlje.
Perciò, sentite bbùono,
sentite che ve dico
ca gùaje o no
chille ce vònno.
Vuje ce penzàte
si nun ‘ e tenite ?
‘a casa è fredda, vacànta
‘a famiglia nun’ è
cchiù famiglia
si lloro nun c’è stanno,
l’ommo nun è ommo,
nun tene scopo
è senz’aspirazione.
Ma voi che dite
sono preoccupazioni ?
sò ‘ cose serie si
nun stanno bbùono ?
Nun c’è penzàte,
nun v’avvilite,
tutto s’acconce,
tutto fernèsce,
si v’è curàte.
Ma, aggio capito bbùono,
nun è vulite ?
Quando è così,
calmatevi e non v’agitate,
e datemmìlli a mmè chìsti penzièri.
Ma forse vuje pazziate,
vulite sapè
che ve rispòngo,
pecchè io…figlje
nun ne tengo ?
Ebbene, sentite a mmè,
sentite che vi dico:
E figlje song’a cosa
cchiù bella ‘e chèsta vita,
songo guaje, penzière,
gioie, dulure,
songo disperazione ?
toccano, scassàno,
nun danno trègua
quanno so ‘guagliùni ?
Ma sò ‘sempe figlje…
Sapisseve, quanti vote,
stanco e accìso
p’a fatica
avesso vuluto truvà
chell’armunìa,
avesse vuluto sentì
tutti chilli strilli,
avrei voluto vivere
quello scompiglio;
assettàrme ‘nterra
e, ‘nzieme a llòro,
senza cchiù stanchezza,
jucà, fa capiòle,
sentì ‘stu còre
sbattere p’ ‘a prìezza !
Sapisseve, quanti vòte,
mentre ca’ turnave,
me songo illuso:
“che brutti scherzi
fa la fantasia “!
E ‘ncuòrpo a mmè penzàvo
c’arapenne ‘a porta
almeno ‘nu nenillo,
tirànneme pè ‘coscie
d’ò cazòne,
arrampecannese ‘nguollo,
cu’ ‘e manelle
e tenènneme strìtto
pè ‘ncoppo’o cuòllo
me jènchess’a fàccia
cà ‘vucchella.
Che gioia, c’allèrezza
si cheste foss’overo:
chiùrenno a pòrta,
lasciasse fòre
tutt’e guaje, tutt’ ‘e penzièri,
ogni preoccupazione,
e riturnàsse ‘nziemo a jsso
ancora cchiù guaglione.
Ma chist’è nu suonno…
‘è fantasa
pecchè quanno me scèto
‘a stà chimèra
e vèco ‘ca quant’aggio penzàto
nun è overo, allora
me piglia cchiù forte
‘a malinconia,
pecchè me trovo sùlo,
sùlo a casa mia.
Quanti vòte, ‘a nòtte,
m’esse vòluto aizà,
e scavezo e chianu chianu,
senza fa rummòre,
p’ ‘a paùra do' scetà,
avvicinarme ‘o lìtticciullo,
‘a cunnulèlla,
accarezzarlo, sentì
‘o calore d’ ‘e manèlle,
e doppo, sentennème
cchiù soddisfatto,
turnamene a ghì a cuccà.
Quanti vòte, smanianno,
dint’a nuttàta,
m’ ‘esse vulùto ‘e sentì
‘e chiammà…
Papà…
sento frìddo,
vienème a cumiglià…
e, ancora, mentre fòre
chive, fanno lampe e tuòni…
Papà…
tengo paùra,
voglio durmì
jnt’’o lietto tuòjo.
E mentre ‘o penzièro sfrnnèseja
me par’ ‘e sentì ancora
‘sta vucèlla dint’ ‘a nuttata,
e goni vòta aràpo l’uocchie,
me scèto e aìzo ‘a càpa,
ma guardànneme attorno
me vèco sulo e scunzulato.
Quantu significato
tenene ‘sti quatte lettere,
quanti spèranze,
quante lusinghe
te mette ‘nfunn’ ‘o còre
‘sta parola !
Voi dite che questo non è niente ?
e aspettate, nun aggìo fernuto,
dateme ‘o tiempo ‘e scrivere,
nun v’aggio ditto ancora niente:
Vuje forse nun ce penzàte,
o nun l’avite ancora capito,
e figlje so ll’ammore,
e pure si sò penzièri,
pure si sò dulùri,
sogn’ ‘o scopo ‘e tutt’ ‘a vita !
E figlje sò ll’ammore
‘a gioia d’ ‘a famiglia !
Perciò, difronte a chist’ ‘ammore,
frève, morvìllo,
ricchiune, rosolia,
‘e nzième a chèste
tutte làte malatie
cchiù nun songo niente…
Anzi, ascoltate che vi dico:
vicino ‘e mericine
dateci tantu bbène,
facitele cumpagnia,
tenitele p’ ‘a mano,
nun’ è lasciàte sùli
‘sti guagliuni,
facitece capì ca’ sò’ll’ammore…
stirgnitavell’a vuje
fòrte fòrte, ‘ncopp’o core.
Sulo accissì vuje v’ ‘accurgite
ca’ e figlje sono figlje.
Ma voi che dite, replicate
che questo non è tutto,
che ben altro è il problema ?
Ma, allora vuje ovèro
nun’ ‘e vulite ?
Che oggi sia difficile
portarli avanti è vero…
vestiti, scarpe.ducazionme,
per non parlare dell’alimentazione,
ma questo si risolve se li amate,
e figlje songo figlie
e figlje songo a vita !

'A vicchiaia

Oggi si parla tanto
della terza età,
è un problema costante
per questa società…
e viecchie songo viecchie,
hanno bisogno ‘e cure
e sanna rà a magnà,
perciò, appena arriva l’ora
se ponno emarginà,
nun contano cchiù niente
‘sti povere maronna
je figlie nun ‘e vonno
neanche pe’ pariente.
Doppo ‘na vita sana,
e sarcificie je stiente,
roppo anni ‘e lavoro
nun tenene cchiù niente.
Navota pe ‘sta gente
c’era rispetto,
coumprenzione,
affetto,
oggi, c’ ‘a o munno s’è cagnato,
le ranno sulo tuosseco e veleno.
Si stanno a casa
nun se ponno suppurtà,
songo ‘e mpiccio…’e piso,
te levano a libertà.
A dò stà cchiù
chella famiglia…
‘o pate, a mamma,
‘o nonno, a nonna,
‘e nepute…
Mo so fernuto e tiempo
e quanno e figlie erano figlie.

'O suonno

‘Sta notte ‘nata vòta
‘nzuonno me si venuta,
che fuoco me sentevo
djnt’ e vene
quanno ‘sta vocca toja,
doce cumm’o mele,
vasav’a vocca mia
cu’ passione.
Sapisse quanti notte
haggio aspettato,
cercanno sempe
chillo ammore,
e sentenne o profumo d’e viole,
me pareva e te vedè.
Allora stennevo ‘e mmane,
t’accarezzavo,
te strignevo a mme;
ma, proprio
d’int’o cchiù bello,
quanno cchiù te sentevo vicina
e tutto me pareva ovèro,
me scetavo,
e allora,
allora, me tuvavo
sulo cu’ ‘nu cuscino
stritto djnt’ ‘e mmane

A che serve...

Vi’ sta luna ca’ spònta
si nun pare ‘na faccia’ ‘ e ‘na sposa,
tene ll’aria ‘e ‘na nenna scuntrosa
quard’ ‘attuorno e nun sape che dì…
Ma cchiù tarde, sagliènno sagliènno,
se fa janca, s’affina, se cagna,
spanne ‘a luce po’ mare e ‘a campagna,
tutta ‘a notte se mette a penzà.
Comm’attira ll’addore do’ mare,
‘st’ ari fresca, liggèra liggèra,
‘stu silenzio, ‘sta pace da’ sera
accussì m’he sapùto attirà.
Sagli’ ‘a luna po’ cielo stellato,
tu suspìre, guardànno guardànno…
ho capìsco ! Tu pienzo ch’è nanno
e’ a catena vulisse spezza.
Quant’è bella ‘sta pace da’ sera !
Quant’è bello ‘e ‘sta luna o chiarore !
E’ ‘na scena ca' parla d’ammore,
ma l’ammore è fernuto pe’ me…
A che serve ‘sta pace, stu ‘ncanto,
si ‘o silenzio è na freva ca struje ?
A che serve ‘stu suonno, si nuje
‘ce capimmo…e nun ‘o dammo a capì ?

Chi songo pe tte.

Doppo tanto tiempo
manco ‘na telefonata,
oggi tu staje affarata
e nun me può penzà…
Mille cose te passano
pe’ ‘mmane,
ati penzieri te tenene
luntana,
e nun te ‘mporta cchiù
e chi ‘e lassato,
nun te ne curi,
nun te ne può curà.
Nun dicere
ca nun ‘e putute,
pecchè nun te crere, no
nun ce pozzo crerere.
Mille songo stati
e mumenti p’o’ fa
e tanti ati ancora
ne putive truvà.
Ma oggi
nun te servo
cchiù,
tieni a chi te 'sta vicino,
a chi te tene cumpagnia,
a chi sostituisce
chist’ammore.
Pe’ tte so’ stato
sulo nu suonno,
‘n’avventura
ca mò se po’ scurdà.
Stu core ‘nce carette,
se crereva ca’ eri sincera,
quanno strignennete
cchiù forte
le dicive ca’eri l’ammore,
ca’ me vulive bbene.
Mo nun ‘o saje
che pene amare
sento dint’ ‘o core ,
ma a tte che te 'ne 'mporta,
tanto pe tte chi songo,
pe tte nun so’ ‘nisciuno.
Pe tte sta vita
è un diairo
ca se scrive juorno
pe juorno,
'e ogni vota è na pagina nova,
‘nfino a’ ‘ quanno arriva
a parola fine…

Femmene

Femmene ca mamme site
sultanto pe’ natura
o pe’ vulie,
comme putite abbandunà
chesti criatrure,
comme putite fa
a nun capì ‘stu bbene,
a nun sentì st’ammore
purtate ‘ncuorp’ ‘ avje
pe’ nove miese ?
Comme putite dicere
no, numm’ ‘appartiene
si porteno ‘o stesse songo
vuosto
rint’ ‘e vene ?
Che colpa tenene
chest’aneme ‘nucente
si allimprovvise
e senza sapè nienete,
sulo po’sfizio e ‘nu mumento
songo state mise
‘ncopp’ ‘o munno ?
Femmene senza core,
sanza Dio,
senza fede,
femmene sanz’ammore
vuje nun sapite ‘o bbenne
ca perdite,
femmene senza core,
senza cuscienza,
senz’ammore
senza Dio
mamme vuje
nun site.

O scugnìzziello

L’ata sera,
mentre cammenavo
pe ‘ Tuedo,
sentenn’ ‘addore
‘e robba canusciuta,
me sò ‘ fermato
‘nanz’ ‘a na vetrina.
Che bben’ ‘ e Dio
e quanta cose belle
tenev’ ‘esposte
chiullu magazzino:
viscuotte, susamille,
ciucculata, ciucculatine
e, dint’ ‘a ‘n’angulo,
vicin’ ‘ e sfugliatelle
‘na muntagna enorme
‘e pastarelle !
Ma, mentre ca’ guardavo
chesti cose bbelle,
sott’ uocchie vedette,
affianc’ ‘amme
‘nu peccerillo.
Scavezo, tutto stracciato,
‘mmiz’ ‘annuro,
cu’ ‘e mmane rosse
e’ o naso mmièzo ‘nfuso,
‘o musso spellicchiato
e l’uocchiùzzielle triste
e quase ‘nchiuse.
Comme stev’ attiento
‘stu criaturo,
niente le sfuìeve
e senza s’avvedè
ca’ io o guardavo,
facev’ ‘o segno
cu’ ‘e detelle
e pareva ca’ diceve:
m’accato chèsto,
ma no, vulesso chello !
Certo sunnava
senza fa’ ‘e cunte
cu’ ‘ a miseria.
All’improvviso,
‘cu ll’uocchie ‘nterra
je mmane dint’ ‘ a sàcca
s’avviaje pa’ stessa via.
Che pena me facette !
e ‘nap’ ‘a me penzajo:
ma vide tu ‘nu poco
‘o Pataterno
chi àve tanto…
e chi nun po’ avè niente !
Mentr’ ‘ o nennillo,
‘cu a capa ‘nterra,
se strascenàva
e scumpareva ‘mmiezo
‘a tanta gente,
‘ o chiammaje…
Guagliò…viè ‘cca !
famme sentì ‘na cosa…
ma tu tenisse famme ?
te vulisse magnà
‘na sfogliatella ?
Cu’ ll’uocchie ‘nterra,
comme si tenesse scuòrno,
‘o piccerìllo pigliaje curaggio
e squagliannèse comm’a
‘na caramella,
accumminciaje chianu chianu
a se sfucà:
che vulite sapè ‘, Siggnò,
patème è muorto
e mamma ‘stò ‘o spitale
‘o Principe ‘e Pemonte…
‘o Sanatorio!
jo jesco tutt’e ghiuorne
p’ ‘a campata !
A casa tengo ll’àti frate
e ll’àti ssòre,
e pè m’abbuscà ‘nu piezzo
e pane faccio e servizi,
guar’ ‘e machine…
veng’ ‘e sigarette americane.
Mentre ‘o nenillo
faceva ‘stu discòrso
m’ ‘o pigliaje pa’ mano
e chiano chiano,
senza ‘nce penzà doje vote
‘ncoppo,
trasette sicuro
rint’ ‘o magazzino.
“Dica, Signore,
dicett’ ‘o proprietario”
po s’avutàje attuorno
e senza sapè niente,
senza compassione,
stev’avvianne ‘nu càucio
‘o guaglione.
Ma vì che fetent' 'e mmerda
‘stu padrone !
Che core tene ‘mpietto
stu cafòne !
Che mal’ha fatto a jsso
‘stu ‘nnucente
si è nato cu’ ‘a mala ciòrta
e già pezzente !
Mentre ca’ io facevo
‘sti penziere
‘o piccirillo me tiraje
pa mano
e cu’ ‘ a vucella,
rotta e chianto, dicette:
Signò ascimmo,
nun v’appiccecàte,
nun dat’aurienzo,
je songo abituato
a’ ‘sti fetienti !
No’ cumm’ ‘a vuje,
cà peggio ‘e nu pate,
ve preoccupate
si haggio già magnato !
Sì, haggio già magnato…
ma…m’e fatico
e nun me fanno cchiù
‘mpressione chesti cose…
je v’arringrazio, Signò…
ma me ne torn’ ‘ a casa…
‘a casa mia.
Là pure si campammo
jnt’ ‘a miseria…
stammo bbùono !
Nuje simmo tutte
frat’ ‘e sore…
e ‘nce vulimmo bbene
overamente !
Povero guagliunciello,
penzaje !
Mò chi t’aiuta ?
Chi te stenn’ ‘e bbraccia ?
Chi t’accarezz’ ‘a fronte ?
A do vaje vaje
‘a gente te secuta
comm’ ‘a ‘n’appestato,
comm’ ‘a nu cane rugnuso
e o ricco,
pe’ s’accuità ‘ a cuscienza,
primmo te proja cu’ ‘ a mano
e po’ cu’ a stessa…te secuta
e tu crisce sulo…
e malamente !
Oggi scugnizzo…
e dimane, forse…
delinguènte !

Desiderio

E’ tale e tanto o bbene ca te voglio
Ca nun ce stanno frase p’ò soiegà,
o si ce stanno song’io ca me mbroglio
o è stesso stu bbene ca nun me fa truvà.
E’ tale o desiderio è forte assaio
e te tenè cu mme sempe abbracciato
ca si nu juorno sano te nevaio
io dico can un basta na' jurnata.
Si penzo sultanto sent'ancora
na ducezza ca' chiannere me fa,
e nun se chiagne sulo pe dulure
se chiagne pure pe felicità;
e felice song’io ,
cchiù e tutte quante,
quanno me staje vicino.
Oj munno…

oj munno overo si na rota
percchè, che accio, doppo tant’ammore
pare ca' voglio bene a primma vota !

Nuttata malandrina

Fuje appena tras'a primmavera,
quanno pe tterrazz'e ncopp'e mmura
nasceno sciure a centenare
e ll'aucielle cantene ncore,
p' 'e strade, pe campagne
e p' 'e ciardine
mutive belli appassiunate
e fine.
Fuje a pprimmavera,
rint'o mese abbrile,
quanno chest'aria
è doce cumm'o mmele
e volano. sperdennese
p' 'o cielo,
e suspire chiere d'e vviole.
Fuje a pprimmavera,
rint'a na' nuttata,
ca' 'o cielo me pareva
cummigliato
a na' cupert' 'e stelle
'nargentata
c'allumenava Napule
addormuta,
fuje propire chella notte,
ca sunnanne ammore,
na stella. a cchiù lucente
e ngannatore,
carenne se fermaje
ncopp'a 'stu core !

Luntana a te

'Nu sguardo maro,

'na lacrema cucente

me 'nfonn' 'a faccia

'e chianto

quas' 'ogni sera

mentre quad'o tramonto.
L'uocchie mje se sperdono

quanno pe 'sta fenesta,

cercanno nu chi sà,

vereno e trapelà,

miez' 'e fronne,

l'urdemo raggie 'e sole

ca mor' 'e se ne và.

E, a mno a mano

ca' 'o guardo

'o cielo se fa scure e

l'uocchie mje se sperono

rint' 'a ll'oscurità

mentre gioie e dulure

rtrapassano stu core.

Povero core mio,

roppo suspire e llacreme

nun sape cchiù che fà !

Si te voglio vedè

　

　

Si te voglio vedè,
mme basta guardà ‘ncielo sulamente
quanno tramont’ò sole,

appena sponta
p’ò cileo ‘a primma stella, veco a tte !
Si te voglio sentì
basta ca stu core, zitto e chiano,
te chiamma

e t’addimanne, me vuò bene ?
tu, doce, doce, me rispunne si !
Si te voglio vasà
basta ca tengo stretta ‘miez’e dete
‘na bella rosa ‘e maggio avvellutata,
vasannola me pare e te vasà.
Si te voglio penzà
ammore mio, basta sulamente
ca guard’o sole nun appena sponta,
tanno te penzo…e che felicità !

Ammor' 'e mamma

　
　

Chi t’ama veramente
è mamma toja !
chi soffre, se turmente
pe te vedè cuntento
è mamma toja !
‘Stu grande core perdona
sempe e mali d’ ‘o munno
e nuje ca simmo ‘o frutto
‘e ll’ammore p’a’ vita
stennimmo na mano a chustu
core, addò ce stà ll’ammore,
‘o vero ammore, ch’è chill’e
‘mamma e nun se po’ annià !