'Nu raggio e sole

Spuntaje ‘o sole
e ‘ncopp’ ‘a scrivania
venette a se pusà
‘nu raggio d’oro
addò stavo screvenno
“…ammore mio,
vita e ‘sta vita,
tu si nu tesoro…!”
E me ‘ndurava e vierso
‘o raggio ‘e sole,
e ‘a penna seguitava
“…oj primmavera,
‘o tu ca sì ‘a cchiù
bella d’ ‘e figliole,
rispunneme, si sincera,
si sincera…? “
‘O sole se scuraje
a ‘sti parole,
‘a gnostra nera
addeventaje cchù nera
ancora

e ‘a penna,
tutt’nzieme,
se scugnaje
pecchè l’addimanteje
si sincera ?