Nuttata malandrina

Fuje appena tras'a primmavera,
quanno pe tterrazz'e ncopp'e mmura
nasceno sciure a centenare
e ll'aucielle cantene ncore,
p' 'e strade, pe campagne
e p' 'e ciardine
mutive belli appassiunate
e fine.
Fuje a pprimmavera,
rint'o mese abbrile,
quanno chest'aria
è doce cumm'o mmele
e volano. sperdennese
p' 'o cielo,
e suspire chiere d'e vviole.
Fuje a pprimmavera,
rint'a na' nuttata,
ca' 'o cielo me pareva
cummigliato
a na' cupert' 'e stelle
'nargentata
c'allumenava Napule
addormuta,
fuje propire chella notte,
ca sunnanne ammore,
na stella. a cchiù lucente
e ngannatore,
carenne se fermaje
ncopp'a 'stu core !

Luntana a te

'Nu sguardo maro,

'na lacrema cucente

me 'nfonn' 'a faccia

'e chianto

quas' 'ogni sera

mentre quad'o tramonto.
L'uocchie mje se sperdono

quanno pe 'sta fenesta,

cercanno nu chi sà,

vereno e trapelà,

miez' 'e fronne,

l'urdemo raggie 'e sole

ca mor' 'e se ne và.

E, a mno a mano

ca' 'o guardo

'o cielo se fa scure e

l'uocchie mje se sperono

rint' 'a ll'oscurità

mentre gioie e dulure

rtrapassano stu core.

Povero core mio,

roppo suspire e llacreme

nun sape cchiù che fà !

Si te voglio vedè

　

　

Si te voglio vedè,
mme basta guardà ‘ncielo sulamente
quanno tramont’ò sole,

appena sponta
p’ò cileo ‘a primma stella, veco a tte !
Si te voglio sentì
basta ca stu core, zitto e chiano,
te chiamma

e t’addimanne, me vuò bene ?
tu, doce, doce, me rispunne si !
Si te voglio vasà
basta ca tengo stretta ‘miez’e dete
‘na bella rosa ‘e maggio avvellutata,
vasannola me pare e te vasà.
Si te voglio penzà
ammore mio, basta sulamente
ca guard’o sole nun appena sponta,
tanno te penzo…e che felicità !

Ammor' 'e mamma

　
　

Chi t’ama veramente
è mamma toja !
chi soffre, se turmente
pe te vedè cuntento
è mamma toja !
‘Stu grande core perdona
sempe e mali d’ ‘o munno
e nuje ca simmo ‘o frutto
‘e ll’ammore p’a’ vita
stennimmo na mano a chustu
core, addò ce stà ll’ammore,
‘o vero ammore, ch’è chill’e
‘mamma e nun se po’ annià !

A Erasmo

　

Te penzo pecchè te voglio bene,
core d’ò nonne tuio.
Forse sarrà ca vive
fisso a casa mia

e io inutilmente sfuio
a ‘e ciance ca me faje.
Mentre te penza ò nonno,

penza a jsso ca 'se fa viecchio

e nun vulesse maje
sparì d’o munno

e, chesto, ò penzo spisso…
S’ha ddà murì pè forza,

core mio !
Però vulesso

ca' 'sta faccia mia
te rummanesse

comme a nu vulio
dint’ò penziero

o comme a n’armunia
dint’ò core,

accussì, quanno si gruosso
e nun me vide cchiù,
pecchè me sto sperdenno

dint’ò fuosso,
tanno, core mio,

m’arricuorde tu ?

Penzanno a tte

　
　

　
　

Sta faccella e chist’uocchie ncantati
tu nun saje che male me fanno,
songo mise che stongo patenno,
songo mise ca soffro pe tte.
Ah che scemo, che scemo so stato
me crerevo ca tu me capive,
me crerevo ca tu me vulive
jnt’oscarto jttà pur’a mme.
Sto mpazzenno e a me sulo addimanno
c’aggiu fatto p’avè sti turmiente ?
notte e juorne te penzo e tu niente
tu nun pienzo c’a io moro pe tte ?
Ma pecchè cu chest’anema scperza
tu cchiù core e cuscienza nun tiene ?
Ma pecchè sempo nzuonno me viene ?
Ma pecchè nun te pozzo scurdà ?

' A notte...niente

‘A nottte niente, manco ‘o suonno vene,
pare comme si avesse perzo a via…
e penzo a te.

Te penzo, quanta pene…
ma tu nun si d’ ‘a mia.
Te veco, e si te parlo m’accujeto
quacche pensiero tristo ca mme vene…
Si m’appapagno, subbeto me scèta
comme si mme chiamasse:

quantu bbene!
E t’accarezzo, me stregno ‘o cuscino
forte ‘int ’e bbraccie

e tu me staje vicino.
Te chiammo, sento ‘a voce,
sento ‘ o sapore

‘ e ‘sta vocca doce…
…e scemo e me… te chiammo inutilmente,
tu nun ce staje, tu nun rispunne:

niente !
E comme a tante tale e quale a ll’ate
passano ‘sti nuttate,
c’uno pensiero e c’una fantasia!
Ma tu pe mme si’ ‘n’ombra

e niente cchiù.
E chistu suonno, si ha perduto ‘a via,
nun vene…è pecchè ‘o suonno

o suonno mio si tu !

Sulo

Quanno sto sulo, sò penziere nire !
penzanno guardo sempe à via d’à porta,
ò telefono si sona…ma niente !
Nisciuno, maje nisciuno, è me se ‘mporta
a sti mumente ca me veco sulo,
senza na voce cara, na parola…
sulo ò runfà d’è mmachine p’à via
saglie a du me, me stona e nun cunzola.
Chi s’ò credeva è fa’ sta bella fine
a quase sittant’anne, chi ò penzava ?
E pure me ce trovo e, cu pacienza,
supporto chesto ca Dio m’astipava…
Comme vurria durmì senza n’ affanno,
senza penziero nire p’è cerevelle
e scetarme dimane a guardà ò sole
e appena notte ò cielo chino e stelle !

Suonno

　
　
　

Suonno
ca m’addurmive
accussì doce
e nun m’addureme cchiù
comm’a navota,
io pe t’avè nu poco
e repusà pe n’ora
mo tengo sulo
na mericina:
e gocc’e stu veleno.
Ca m’addobeco
è overo,
comme faceva sempe,
vasanneme, l’ammore
ncopp’a chist’uocchie
nghiuse.
Oj suonno,
io chianu, chianu
aument’addosa…
chisà ca una e sti sere
nun conto cchiù
sti gocce
e sgarro a mano,
e trovo, finalmente,
a pace
nfunno a stu bicchiere.

Sta cosa nun è cosa

A quanno a veriste tu
cchiù nun arragiuno
penziero mio.
M’a mietto annanze
e po’ t’a pigle
e, ancora,
m’a tuorno a ripurtà.
Io, cu' 'a fantasia
l’astregno 'a mmè,
l’accarezo 'a faccia,
a vaso cu' passione.
Inzomm’a tanno
tu nun me raje ripuoso,
ma 'o vuò capì,
'o vuò capì
can un è cosa ?
Perciò fermate
arripuoso
e famm’arrepusà.
Ossaccio chella
me piace,
ten’o core
chine e belli cose
e chisà quanta felicità
ca' me putesse rjalà,
ma già t’aggiu ritto
nun è cosa,
perciò penziero mio
cagne penziero,
scuordalo st’ammore
e fammela scurdà.
E’ ghjà statte cuieto,
ossaje che mele
le farrja
si sulo le ricesso
chello ca penz’ io.
E mo, mo accummience
nata vota ?
Nun si stanco ancora,
nun te stanco
e essere cacciato ?
Gesù cumme me sabatte
o core, ma che rè,
che sarrà,
e pecchè m’avvampo
e 'sta manera
si sulo cu o penziero
a sto a penzà ?
Penziero,
penziero
mio c’a maccumpgne
sempe, tutt’e juorne
o vvì che me cumbini ?
Ma io t’arringrazio
pecchè me faje turnà
guaglione,
me faje turnà
a campà,
me faje pruvà
l’ammore.
Ammore,
parole chiena
e sentimento,
chien’e passione,
c’aunisce cu' nu vaso
doje pezone,
ca faje e duje
destine uno sulo,
tu si a chhiù bella
d’e parole,
tu misch’o sango
rint’e vener
e spanne 'o sole pure
quanno fore chove.
Ammore
ca' nsce dint’o core
ca' quanno si sicure
nun t’arrienne,
nun bade a dò vaje
o a chi te piglie,
tieneme cumpagnia
mò ca taggiu truvato,
nun me lassà cchiù.
Dio, ma che me pigia ?
O vì penziero,
penziero mio
che me cumbini ?
Te prego lievamello
a rint’o core
'stu turmiente
o ramm’a forza
e nun cjò dì,
meittela 'ncoppo
e spalle mie
'sta crocia rocia,
tienle strinto
rint’ o core
stu bbene,
famme suffrì
a mme' sulo
chesti pene,
ma dicce qualche vota
c’a voglio bbene,
sì dicceollo pure
si stà cosa nun è cosa.

Turmiento

Io chello ca' putevo t’aggo dato
pecchè sì bella cchiù d’ò Paraviso !
‘O meglio e tutt’a vita t’ è pigliato,
ma nun me fatto maje nu pizzo a riso.
Che tuosseco m’ è dato,vita mia,
e ancora me ne dai si guardo attuorno:
pe mme si’ stata suonno e fantasia
e no comme te veco ogni juorno…
Ecco: tu si a bellezza senza fine,
forse ‘a cchiù bella figlia d’ò Signore…
Cielo, pecchè me daie sultanto spine
si io pe cchisto ammore donco ‘o core ?

Suonno e realtà

Te l’asppettave tu
sceme 'e core
ch’all’età toja putive
turnà a' sbattere
pe na’figliola?
Che re’ nun me rispunne?
nun me vuò dà ragone ?
E statte fermo, nun sbattere
ca' me fai male.
Dice ca' si stanco e rimanè
nerrato…ca nun c’a fai ?
Allora và…curre a du essa
e quanno si arrivato
guardala int a lluocchie, po’
chianu chianu,
senza fa rummore
scinnele jnto o core,
acarezzalo doce doce,
miscate co' sango suojo
currele pe dint e’ vene
falle sentì l’ammore,
po’, sulo si sì sicure,
ma nun te fa illusioni,
allucca, strilla e dì:
oj ne stu core e pazzo e te
oj ne,

oj ne te voglio bene !

Nustalgia

Mò ca me staje luntana, vita mia,
te penzo ogni minuto, ogni mumento…
e me piglia na smainia, na malinconia
ca so tuture ‘o core ca me sento.
Si nzerro ll’uocchie, pare ca te veco,
e nun me sbaglio, no si proprio tu…
Te chiammo, si, ma me risponno ll’eco,
te guardo meglio…nun te veco cchiù !

Penziero ca nun te lassa

E gutatella sta jurnata e sole,
nun l’attristà penzanno
semp’a morte.
Gudatelle e culure e sti viole
e sti geranie, e chesti rrose the !
guada chella canaria
jnt’a caiola,
sta nchiusa sì,
ma nun se sente sola,
rest’a guderse
a vita soja comm’è.
Guara o cielo celeste
o si è stellato
cumm’è int’e
notte chien’e primavera,
o quanno o mare è
tutt ‘nargentato
sott’o sole lucente
int’a ll’està.
E’ nu mistero eterno,
amico mio:
a morte tocca e ricche
je puvurielle,
nu mistero ca o sape
sulo Dio
e ca nisciuno maje
so po’ scpiegà.
Si ancora sente mpietto
nu calore
tiene fiducia e
statte alleramente,
curalo chistu bbene
o chist’ammore,
cunfuortalo
ca bene te farrà.
Simmo comm’aucielle
o nu sciore,
comm’a ll’acqua
ca scenne e pò s’asciutta,
comm’o sole ca nasce
e doppo more,
se nasce e se more
a vita nosta è chest’a cca.

Natale 83

Figlia mia,

figlia mia bella,
già sonano e zampogne
mmiez’a via
già e strade songo
chien’e bancarelle.
Natale sta venenno
e mò ca me staje vicino,
can un te manca niente
e ca te veco e rirere
e ca te saccio assaje
cuntenta,
io penzo cu malinconia
a chello ch’e passato
sola sola…
me pare e te verè
stratta p’a mano
a llati criaturelle...

Semp' ò stesso

E scrivo ,
scrivo sempo
a stessa cosa !
E corro,
corro c’o penziero
a stessa parte…
o core è sempo
chino
e chesti cose
e a penna o sento
e scrive ncopp’a carta.
E scrive,
scrive sempo o stessu
bbene,
e canto,
canto sempo a stessa
passione
ca me mantena a freva
dint’ e vene…
e penzo,
e chiagno cumm’a
nu' guaglione
c’a perz’a
primma nnammurata !
Ha, cielo,
vaco scpierto
tutt’o juorne
prianno Santi,
prumettenno ceri,
ma veco sempo
annanz’a lluocchie
e attuorno
duje uocchie azzurro
e chelli capilli niri…
E faccio vuto
annan’a Maculata:
lievama a rint’o core
stu turmiento…
ca si me fai 'sta grazia
addimannata
te porto e cere
e 'chistu core argiento.
E 'nzerro lluocchie
già 'nghiusi p’a preghiera…
o core tremma…
e l’anema se sonna
ancra
duje uocchie azzurre
chilli capilli nire
e na maronna
ca nun è maronna !

Nun saccio che vurria...

　

Me vurria mettere
sott’ ‘a fenesta toja,
pe te vedè ‘e spuntà
comm’ jesce ‘o sole.
Vurria stà
jnt’ ‘a stu core tuoje
e farlo palpità pe me
d’ammore.
Vurria trasì
jnt’ e penziere tuoje
e putè scavà
si tu me pienze
ancora.
Vurria ‘nzerrarte
jnt’ ‘a na caiola
pe nun te fa vulà
luntano, ancora.
vuttia…
vurria…
vurria,
io nunn’ ‘o saccio chiù,
mo che vurria !
Vurria addurmirme
jnt’ ‘e braccia toje
e ‘mbiacarme notte
e ghiuorne e te,
ammore.
Ma si adda rimmanè
nu suonno d’oro,
…vurria murì
primm’ ‘e fa juorne,
oj core !